21 enpresa komitek, ELA, LAB, ESK,
CGT, STEILAS EHNE eta HIRU sindikatuekin batera, AHTren aurka azaldu eta Nafar Gobernuari eskatu diote
Nafarroak behar duen tren ereduari buruzko eztabaida sozial et aparte
hartzailea martxan jartzeko. Egunetik egunera gehiago gara eta azaroaren 11n kalea berreskuratzera goaz!
Agerraldiko testua:
Adierazpen hau sinatzen dugun gizarte-erakundeok, sindikatuok eta
alderdi politikook Abiadura Handiko Trenaren (AHT) aurkako jarrera irmoa
berretsi nahi dugu. Urte luzez eztabaidatu eta mobilizatu gara AHT-ren
harira. Iraganean balioetsi genuen aurreko Nafarroako Gobernuak eta
Madrileko Gobernuak egin nahi zuten azpiegitura, “inondik inora doan
trena” izenaz ezagutzen genuena, xahubidea izateaz gain,
burugabekeriatzat hartzen genuen. Horrengatik adierazi genuen ere gure
engaiamendua proiektua bertan behera gera zedin.
Adierazpen honen sinatzaileok adierazi nahi dugu:
AHTa
ez dela beharrezkoa eta ez dugula nahi. Burugabekeria eta beharrezkoa
ez den makroazpiegitura batez ari garela; ez dela onargarria
gizarte-errentagarritasunaren ikuspuntutik; gure erkidegoa zeharkatzen
duela, baina hala ere, ez diela erantzuten haren interesei, ez eta haren
premiei ere; zuritu ezinezko xahubide ekonomikoaz ari garela; Tafalla
eta Tutera baztertzen dituela eta “garapen-eredu basati baten”
adierazgarri dela; agortze bidean den petrolioa eta dagoeneko jasaten
ari garen klima aldaketaren kontestu honetan ezinbestekoa litzatekeen
garapen jasangarriarekin bat egiten ez duena.
Azpiegitura honek
lanpostuak sortu ordez, momentu honetan leudekenak suntsituko lituzke.
Ala hola, igaro edo geldituko ez litzatekeen geltoki eta geralekuetakoak
besteak beste. Sortuko lirateken lanpostuak prekarioak izatean, lan
istripuak izateko aukera handiari bide emango litzaioke (gogoratzea
besterik ez, EAEko AHTaren lanetan izandako 8 hildakoak).Honekin batera,
lan jardunaldi luzeak eta derrigortutako aparteko orduekin betetzeak,
segurtasun arau minimoak ez betetzea ekarriko luke.
Kostu
eta kalte gutxiago egingo luketen alternatibak egonda ere, hauek ez
dira kontuan hartu. Urteetan zehar dagoen trenbide sarea ez da berritu.
Nahikoa litzateke dagoen trenbide sarea egungo behar errealetara
egokitzea, ala hola, ibilbidea bikoiztuz, hirugarren ibilbide bat sortuz
edo/eta maiztasunak eta geltokiak hobetuz.
Nafarroak
behar duen garraio eredua definitzeko eztabaida sozial erreal bat
zabaltzea eskatzen dugu. Garraio publikoa indartu eta erabilera
pribatuko garraioa alboratzen duen eredua sustatuz. Hau honela,
langileriak irisgarritasun segurua izango luke beraien lantokietara
iritsi ahal izateko eta garraio pribatua baztertuz, istripuak izateko
arriskua gutxituz.
Hau guztia gatik, eragile sinatzaileok:
-Nafar
gobernuari trenaren inguruko eztabaida sozial eta politiko bat martxan
jartzeko dei egiten diogu. Nafarroako herritarren beharrizanetara
egokitutako trenbide sare sozial, justu eta jasangarria litzateke
helburua.
-Alde batetik konpromisoa hartzen dugu azpiegitura honen
kontrako jarrera amankomun bat bultzatzeko. Bestetik Nafarroako
herritaren borondateari entzunez alternatiba bat eraikitzera ere
konprometitzen gara. Manifestazioa prozesu honen hasiera besterik ez da
izango.
-Nafarroako gizarteari gonbitea luzatzen diogu Azaroaren
11n arratsaldeko 5etan Gaztelu Enparantzan egingo den manifestazioan
partehartzera.
Nafarroa, 2017ko azaroaren 3a
ELA, LAB, ESK, CGT, STEILAS EHNE, HIRU eta momentuz atxikimendua eman duten enpresa-batzordeak:
VISCOFAN,
ELEKTRA, LÁCTEOS DE NAVARRA, ARGAL, ZULUETA, NASERTIC, KYBSE, EROM,
INGETEAM, ID LOGISTICS, GORVI, NORTON, CINFA, GAMESA AGOITZ, SAS
AUTOSYSTEMTECHNIK S.A., SGE, GURPEA, FLACE, ELECNOR, TROKELSA, USCAL,
No hay comentarios:
Publicar un comentario