Nafarroa osoko eta sentsibilidade ezberdineko 260 hautetsi baino gehiagok AHTren proiektua arbuiatzen duen manifestua aurkeztu dute eta Nafar Gobernua korridorearen eraikuntzan modu batean edo bestean parte hartzeko aukera arbuiatu dute ere.
Sinatzaileek Nafarroak behar duen tren ereduari buruzko eztabaida sozial eta parte hartzailea abiatzearen alde agertu dira eta larunbatean Iruñean izango den manifestaldiarekin bat egin dute.
Agerraldiko testua:
Adierazpen hau babesten dugun Alkate eta zinegotziek AHTren aurkako gure
posizioa berretsi nahi dugu. Era berean garraio herritar eta
sostengarria izango litzatekeen tren eredu baten aldeko apostua egiten
dugu. Zentzu horretan, datorren Azaroaren 11an Iruñean egingo den
manifestazioan parte hartzeko deia luzatzen dugu.
Adierazpena:
AHT
zentzurik gabeko azpiegitura erraldoia da, batere beharrezkoa ez dena,
onartezina errentagarritasun sozialaren ikuspuntutik, inongo
justifikazio ekonomikorik ez duen diru xahutzea eta ingurugiroan kalte
handia eragiten duena. AHT gure komunitatea gurutzatzen du goitik
behera, baina ez die bere behar eta interesei erantzuten. Esaterako
Tafalla eta Tutera bazterrean uzten ditu. Azken finean eredu
desarrollista basati erantzuten dion proiektua baino ez da. Nafarroako
aurreko Gobernuek eta Madrilgo Gobernuak egin nahi zuten proiektua, eta
berriki Fomentok berrartu duena, “inondik inora doan trena” da, zinez
zentzurik gabekoa.
Ez dugu onartzen Nafarroako Gobernua AHT
egiteko inongo inplikaziorik edukitzea, ez AHTren jatorrizko eredua
(Madrilgo Gobernuaren proposamena), ez eta horren kopia hobetua den TAP
izenekoan. Ildo beretik, ez dugu onartzen proiektu horri buruzko edozein
konbenioa sinatzea, ez eta AHTrekin modu batez edo bestez babestea eta
kolaboratzea.
Lurraldea kohesionatu eta Nafarroako herritarren zerbitzura egongo den tren baten alde egiten dugu.
- Merkantzia eta pertsonen eguneroko garraioaren zati handi bat efikazia eta efizientziarekin konponduko duen trena.
- Ahalik eta toki eta jende gehiagorengana ailegatuko dena, eta arrazoizko prezioa izango duena.
- Eskualdeak lotuko dituena eta errepinde bidezko garraioaren aldean alternatiba erreala izango dena.
- Egungo trenbide eta baliabaideak ahalik eta gehien aprobetxatuko dituena.
Nafarroak
behar duen trenari buruzko eztabaida soziala irekitzea eskatzen dugu.
Nafarroako gizarteari aukera eman behar zaio eztabaida horretan parte
hartu eta
aurkez litezkeen alternatiba ezberdinen artean hautatzeko.
AHT gelditu eta eztabaida sozial hori bultzatzeko konpromisoa hartzen dugu.
No hay comentarios:
Publicar un comentario